Алфред Гулам

Британски ориенталист, арабист и теолог. Студирал теологија и ориентални јазици на Оксфорд Универзитетот. Бил професор по арапски јазик и шеф на Отсекот за Блиски и Среден исток во учили-штето за ориентални и африкански студии на Универзитетот во Лондон. Бил гостински професор по арапски јазик на Универзитетот Принстон во Њу Џерси. Во текот на Втората светска војна, на покана на бритаснкиот Совет станува гостински професор на Американскиот Универзитет во Бејрут. Универзитетот на Истанбул го избрал како свој прв странски предавач на христијанска и исламска теологија. Напишал повеќе книги со исламска тематика, ја превел сирата (биографијата) на пратеникот Мухамед, Божјиот мир над него, од Ибн Исхак на англиски јазик.

Во својата книга „Исла¬мот“, за пратеникот Мухамед, Божјиот мир над него, напишал: „На самиот почеток треба да се истакне дека Мухамед бил една од најголемите личности во историјата, чие надмоќно убедување било дека постои само еден Бог и дека треба да постои една заедница на верници. Неговата способност како државник соочен со вонредно сложени проблеми е навистина неверојатна. Покрај сета војска, полиција и државни служби, ниеден Арап никогаш не успеал да го обедини својот народ како што тоа го направил тој.“ (Alfred Guillaume, Islam, Penguin Books, R and R. Clark Ltd, Edinburgh, стр 23)

За Куранот напишал: „Куранот е едно од светските дела кое не може да се преведе без сериозни губитоци. Тој има ритам со необична убавина и ритам што го маѓепсува увото. Многу арапски христијани зборуваат за неговиот стил со големо восхитување, а мнозинството арабисти ја признаваат неговата исклучителност. Тој поседува квалитет со кој ги замолчува критиките, со своите слатки и неповторливи тонови. Навистина, може да се утврди дека во големата книжевност на Арапите, во нивната поезија и проза, не постои ништо што би можело да се спореди со него.“ Alfred Guillaume, Islam, Penguin Books, R and R. Clark Ltd, Edinburgh, стр 73-74)