Како Библијата ме доведе до Куранот?


Имам многу омилени приказни од Библијата. Сигурно имам и многу омилени библиски пасуси. Ако цел живот ја читате Библијата и потоа одлучувате да го читате Куранот, може да ви биде тешко да го сфатите контекстот на почетокот. Со текот на времето, штом разговарате со муслиманите и стекнете одредена позадина и разбирање, станува полесно. Така почнав малку по малку, открив дека кога ќе го прочитам Куранот до одреден дел и ќе разберам што читам, ми биваше полесно, а потоа ќе се вратев на почетокот и ќе почнев одново... Така што со време стануваше многу појасно, позначајно и полесно.

Библијата

Библијата е многу лесна за читање, но со текот на времето почнав да имам некои ситуации, односно нејаснотии со Библијата. И тогаш видов дека има контрадикторности и работи кои не ги разбирам. Обично, кога би кажала нешто каде едно е спротивно на друго (затоа што сум воспитана така да верувам), само би си рекла: Така е, верата не се доведува во прашање.

Тројството

Кога бев помлада, не се охрабрував да ја читам Библијата. Како возрасна, бев меѓу луѓето кои постојано ја читаа и меѓу луѓето кои ја проучуваа Библијата и присуствуваа на библиски студии, но не бев секогаш слободна да поставувам прашања. Но, најдов некои работи кои навистина ми беа неконзистентни. На пример, отсекогаш сме учеле за Тројството: Отецот, Синот и Светиот Дух, сите еден Бог, сите еднакви, сите целосно овластени дури и како поединци. 
 На пример, Исус како човек беше целосно Бог, целосно човек. Бог, Отецот, беше на небото, беше целосно Бог, Светиот Дух беше целосно Бог, беше целосно Светиот Дух. Немаше смисла.

Значи, ако Исус беше целосно Човек и целосно Бог, зошто рекол „Мојот Отец е поголем од мене“? Зошто Му се молел, пред неговата смрт, со солзи по неговото лице? Мислам, тоа е навистина тажно, нели? Тој е Бог и се моли на Бога? Едноставно нема смисла за мене.

Последниот ден

Друго нешто што „ми падна во очи“ и што немаше смисла за мене е „Јован 14“ кога Исус вели: „Мојот Отец е поголем од мене“. Па, ако и двајцата се целосно Бог и целосно се она што се, како може Таткото да биде поголем? Значи, ако прашате кој било христијанин, Исус е целосно Бог, што значи дека тој е Сеопфатен, Сезнаен, Семоќен, Сеприсутен, името на сите тие Божји атрибути. Но, ако е сезнаен, зошто кога го прашуваат кога е последниот ден, тој вели дека само таткото знае, ниту синот ниту ангелите не знаат за ова. Тоа беше уште една остра контрадикторност за мене во врска со читањето на Библијата.

На почетокот, кога го прифатив исламот, две работи беа најважни во мојот ум: Христијанската Библија, христијаните ни кажуваат дека ако не верувате во божеството на Исус дека тој умрел за вашите гревови и воскреснал од мртвите, не можете да се спасите.
Куранот ни кажува дека штом ви се покаже вистината, кога ќе ви се укаже патот на упатството, ако го отфрлите, не можете да бидете спасени.
Чувствував вознемиреност и загриженост, но бев свесна дека не можам да бидам на две страни бидејќи едната е во конфликт со другата и си реков: „Овде треба да донесам одлука“. И толку ме привлече убавината на Куранот, полнотата на чувството дека чекорам по вистинскиот пат, чувството дека Аллах е секогаш присутен, близок, милостив, најмилостив.

Нема сомнеж дека Тој има моќ, нема сомнеж дека ќе ни суди за нашите гревови и ако не се покаеме, ќе бидеме казнети. Но, можеме да се покаеме, можеме да се поправиме и Аллах ќе прости, бидејќи Тој е најмилостивиот. Од сите лекции, лекциите за покајание и Аллаховата близина најмногу ме погодија и ме утешија и упатија.


Извор: Discovering Islam