Верата е совет

01 Jul, 2023|Верата е совет

Човек кој има авторитет, моќ и власт не мора да значи дека е разумен, паметен и културен во исто време

Човек кој има авторитет, моќ и власт не мора да значи дека е разумен, паметен и културен во исто време. Ова можеме да го потврдиме со тоа што ќе го кажеме за народот на Шуајб. Имено, богатите и угледните од неговиот народ, иако заземале висока позиција, не го разбирале говорот на Шуајб, а самиот Шуајб, и покрај мудроста и знаењето што ги поседувал, не ја стекнал нивната почит, иако ја почитувале лозата од која потекнувал. „О Шуајбе“, рекоа тие, „не разбираме многу од тоа што го кажуваш и гледаме дека си беден меѓу нас; да не беше твоето семејство, ќе те каменувавме, не ни си драг“. (Куран, 11:...

# Сподели

01 Jul, 2023|Верата е совет

Што мислиш ако овој се врати на овој свет, што би направил?

Еднаш Хасан ел-Басри застанал покрај некој гроб, а потоа се свртел кон човекот што стоел покрај него и го прашал: „Што мислиш ако овој се врати на овој свет, што би направил?“ „Тој би барал прошка, би клањал и би правел други добри дела“, одговорил човекот. Тогаш Хасан му рекол: „Тој нема повеќе да ја има таа можност, па затоа ти искористи ја!“

# Сподели

01 Jul, 2023|Верата е совет

оброто е навика, а злото е двоумење.

Разумниот човек не се колеба да прави добри дела, не ги одложува, не пропушта можност да го прави она што ќе го приближи кон Аллах, се труди да остане буден и да го надомести изгубеното време. Муслиманот бара начин да направи добро дело и се труди да направи што е можно повеќе добри дела додека тие не станат негов карактер и навика. Се пренесува од Муавија ибн ебу Суфјан, радијаллаху анху, дека рекол: „Навикнете ги душите да прават добро, бидејќи го слушнав Аллаховиот Пратеник ﷺ како вели: „Доброто е навика, а злото е двоумење. Кому Аллах му посакува добро, му ја научува верата.“

# Сподели

01 Jul, 2023|Верата е совет

Должни сме да ги пресметуваме своите души

Се пренесува од Ебу Зер, радијаллаху анху, дека рекол: „Немој да бидеш сигурен дека човекот кој прави добро, еден ден нема да отстапи, да се врати кон злото и да умре во таква состојба, и немој да губиш надеж дека човекот кој чини зло, дека еден ден нема да го остави злото, да се врати кон доброто и умре во таква состојба.“ Затоа сме должни да ги пресметуваме своите души за сите пропусти кон Аллах, и да го молиме нашиот Господар да нѐ зацврсти во правењето добро до смртта.

# Сподели

01 Jul, 2023|Верата е совет

Дружи се со добрите дела на овој свет

Дружи се со добрите дела на овој свет, а посебно во одбрани времиња, бидејќи добрите дела се најдобар пријател и сопатник. Се пренесува од Хатим ел-Есам, Аллах да му се смилува, дека рекол: „Сфатив дека секој човек има пријател на кого му ги доверува своите тајни и на кого му ги изнесува своите грижи, а јас, како пријател, го избрав доброто дело, за да биде со мене кога ќе полагам сметка и кога ќе поминувам преку мостот Сират.“

# Сподели

01 Jul, 2023|Верата е совет

Помагањето на другите е одлика на последниот Божји пратеник Мухамед ﷺ

Помагањето на другите е одлика на последниот Божји пратеник Мухамед ﷺ која го красела уште пред пратеништвото. За тоа јасно говорат зборовите на неговата сопруга Хадиџа, радијаллаху анха, со кои го смирувала кога се вратил преплашен по првата средба со мелекот на објавата, таа рекла: „Се колнам во Аллах, Аллах никогаш нема да те понижи, затоа што ти се грижиш за роднините, ја зборуваш вистината, им помагаш на слабите, им даваш на сиромашните, ги угостуваш гостите и помагаш во неволја“. (Бухари и Муслим)

# Сподели

01 Jul, 2023|Верата е совет

За што треба да се каеме?

За ништо не сум се покајал како што се каам за денот во кој сонцето зашло, животот ми се скратил, а во него не ми се зголемиле добрите дела. (Ибн Месуд, радијаллаху анху)

# Сподели

01 Jul, 2023|Верата е совет

Богобојазливите ќе победат на овој и на идниот свет

Богобојазливите ќе победат на овој и на идниот свет. „Тој друг свет ќе им го дадеме на тие што не сакаат на Земјата да се вообразени и да прават неред, а тие што се плашат од Аллах, ги чека среќен крај.“ (Куран, 28:83)

# Сподели

01 Jul, 2023|Верата е совет

Кога ќе помине еден ден, тој никогаш нема да се врати

Свесни сме за брзината на поминувањето на денот и ноќта и за исчезнувањето на годините и дека кога ќе помине еден ден, тој никогаш нема да се врати. Животот е одреден број на денови и ноќи, а потоа доаѓа одредено време, делата престануваат и човекот станува свесен за измамата на лажните надежи. Да ја отвориме за себе вратата на доброто и да се чуваме од вратата на гревот и пропаста.

# Сподели

01 Jul, 2023|Верата е совет

Ако ги казниш, робови се Твои, а ако им простиш, Силен и Мудар си Ти!

Имамот Ахмед запишал во својот Муснед дека Пратеникот ﷺ поминал една ноќ во намазот, рецитирајќи само еден стих, го рецитирал и го повторувал до сабах: „Ако ги казниш, робови се Твои, а ако им простиш, Силен и Мудар си Ти!“ (Куран, 5:118)

# Сподели